HStAOrient5a: 38r

ve ʿālem‑i şehādet mā‑beyninde münqalib eṭvār‑i mütenevviʿaya cihet‑i vāḥideden // dāḫil ve merātib‑i müteʿaddideye ve nuqūş‑i mütekes̱s̱ireye qābil mevcūd‑i // kāmil yaʿnī nevʿ‑i insānīdür ki mā‑fevqinde olan meleʾ‑i aʿlādan // feyżān‑i ʿināyeti qābil olub mā‑taḥtına vāṣıl qılur çün müsteḥaqq‑i // celāyāʾ‑i quds ve lāyıq‑i ḥażerāt‑i üns ola. Fī l‑ḥaqīqa mevcūd // mevcūd‑nümā olur. Ammā qaçan çāh‑i ṭabīʿata üftāde ve leẕāyiẕ‑i şehevāta // dil‑dāde ola fī l‑ḥaqīqa [maʿdūm] maʿdūm‑nümā peşinde olur. Mesʾele fī nefsi // l‑insān. Cevāb: Tefsīr‑i Kebīr ṣāḥibi qavlince nefs‑i insān eczāʾ‑i cismānīye‑i // nūrānīyedür ki heykel‑i maḥsūsa yaʿnī görinen qālıb‑i maḫṣūṣa sereyān // ėtmişdür. Māʾ‑i verdüñ verde ve nāruñ faḥme sirāyeti gibi. Ve bir şaḫṣuñ // Anā faʿaltu kaḏā dėdügi zamānda Anā żamīri ile işāret ėtdügi // ḥaqīqat ol ḥaqīqatdür heykel‑i maḥsūs ve qālıb‑i maḫṣūṣ degüldür. // Zīrā heykel‑i maḥsūs şaḫṣ‑i vāḥid üzre bāqī qalmaz. Eczāʾ‑i bedenīyesi muttaṣıl // ʿahd‑i ṭufūlīyetden zamān‑i şeybe dek ziyāde ve noqṣān üzre olur. // İnsān ḫod min ḥays̱ü hüve insān reẕīlet‑i noqṣāndan sālim ve āḫir‑i // ʿömrine varınca bir emr‑i dāʾimdür. Pes Anā lafẓı ile işāret olınan şeyʾ // heykel‑i kes̱īfe muġāyir cism‑i laṭīf olmaq lāzım gelür. Qavl‑i mezbūr Mevlānā // Kemāl Paşa‑zādenüñ muḫtārıdur. Ammā meẕheb‑i ḥükemā degüldür. Zīrā qavl‑i // ḥükemāda nefs‑i nāṭıqa‑i insānīye māddeden mücerreddür cism degül cismānī